Nibisita ang Bureau of Fire Protection (BFP) BARMM sa Bureau of Fire Protection IX ug Pagadian City Central Fire Station alang sa Benchmarking activity niadtong nakalabay nga adlaw.
Tumong sa pagbisita sa BFP BARMM aron makakat-on sa mga best practices sa Pagadian City Fire Station kabahin sa fire prevention ug emergency response nga mahimo usab nila nga ipatuman sa mga fire station ilawom sa BFP BARMM.
Kahinumduman, napasidunggan sa national level isip fourth Best Performing 2026 Fire Prevention Month and Community Relations Week ang BFP Region IX ug naila usab ang Pagadian City Fire Station isip Best City Fire Station.
Kini ang gihimong oportunidad sa BFP BARMM sa benchmarking aron usab mahibaloan ang mga pamaagi ug mga programa nga nahimong nakatampo sa maayong performance sa BFP-9 ug BFP Pagadian.
Gilauman nga pinaagi sa maong aktibidad mapalawman pa ang kahibalo ug mga best practices sa BFP BARMM kabahin sa pagpalig-on sa fire prevention, emergency response ug serbisyo sa publiko sa mga fire station sa BARMM.
Mainiton usab nga giabiabi ni BFP 9 Acting Regional Director, FSSUPT KADIL T ACALUL, DSC ug Pagadian City Fire Station FSINSP JAN ROLF PANGILINAN ang mga personahe gikan sa BFP BARMM aron sa pagpaambit sa ilang mga best practices.
