Gikalipay ni Liza Soberano nga makita sa animation ang pagkaon ug kultura sa mga Pilipino sa iyang bag-ong pelikula nga Forgotten Island. Sa iyang interbyu sa New York Live sa NBC New York, matod ni Liza nga usa sa iyang pinakagipaabot makita sa pelikula mao ang pagkaon.
Matod niya, dako siyang fan sa Japanese anime ug ganahan siyang motan-aw sa mga pagkaon nga gipakita sa animation. Nalipay siya nga sa katapusan, ang mga pagkaong Pinoy na usab ang gi-animate.
Sa Forgotten Island, gisundan ang mga higala sukad pagkabata nga sila Raissa, nga gibosesan ni Liza, ug Jo, nga gibosesan ni H.E.R., sa ilang panaw sa misteryosong isla sa Nakali.
Gipakita usab sa pelikula ang mga pagkaong Pinoy sama sa lechon, lumpia, barbecue ug spaghetti, apil ang mga tradisyon sama sa videoke, tinikling ug “mano po.”
Ang Forgotten Island, nga gisulat ug gidirek ni Joel Crawford ug Januel Mercado, gipasalida na sa mga sinehan sa tibuok Pilipinas.
Photo courtesy: Cine Star
