Kinahanglan pa og factual basis ug dugang nga deliberasyon ang bisan unsang lakang sa Kongreso batok sa Meta, ilabina kung moabot kini sa posibilidad sa pag-ban sa kompanya.
Kini human sa mga alegasyon nga gipang-isa sa usa ka kongresista batok sa Meta, nga sa pagkakaron wala pa mahimong final nga basehan sa lakang.
Matod ni Atty. Cy Francis Casino, posible nga adunay gahom ang Kongreso sa paghimo og lakang batok sa Meta, apan kinahanglan kining maagi sa hustong deliberasyon ug konsiderasyon sa 1987 Constitution, ilabina ang proteksyon sa freedom of speech ug freedom of the press.
Gipasabot usab niya nga kung pugngan ang usa ka platform, kinahanglan masusi kung mosulod ba kini sa gitugot nga exemption sa censorship ubos sa balaod. Sa pagkakaron, ang isyu nagpabiling subject sa pagtuon, ebidensya ug deliberasyon.
Photo courtesy: Reuters
