Labing mahinungdanon nga mas tutukan sa gobyerno ang subsob nga pagbansay sa mga kawani sa kabarangayan aron nga mas mapalambo ang ilahang kahibalo ug kahanas inay iduso ang gisugyot nga himuong requirements ang Civil Service Eligibility sa mga mangatungdanan sa Barangay.
Sumala pa ni Liga ng mga Barangay President ug Cagayan de Oro City Councilor, Marlo Tabac nga kung ipatuman man galing kini sa gobyerno, kinahanglang magsugod kini sa mga tag-as nga posisyon sama sa Senado ayha ipakanaog sa ubos nga lebel.
Dugang ni Tabac, kinsa kasamtangang Kapitan sab sa Barangay Gusa nga klaro man ang nakalatid sa konstitusyon sa kung unsay mga gikinahanglan aron nga makalingkod sa posisyon sa barangay ug dili na kinahanglan ang eligibility.
Matud sa Konsehal, maayo man ang suhestyon apan dili sab unta kini mahimong diskriminasyon ngadto sa uban nga buot magpapili sa ilahang mga barangay nga adunay katakos sa pagpanerbisyo taliwala sa ilang educational background ug eligibility.
Photo courtesy: Kapitan Marlo Lumbay Tabac/ Facebook
