Bisan nagsugod na ang election ban, gitugotan gihapon sa COMELEC nga magpadayon ang regular nga mga programa sa Local Government Unit o LGU, lakip ang People’s Day, Suroy-Suroy sa Baryo, Suroy-Suroy sa Eskwelahan, ug Kuyog Ta sa Serbisyo sa Baryo.
Kini nga mga kalihukan naandan na sa mga Cagayanon matag semana, isip pamaagi sa lokal nga panggamhanan nga mas mapaduol ang serbisyo ngadto sa katawhan.
Matod ni Mayor Rolando “Klarex” Uy, dako kini nga gasa sa Ginoo tungod kay makapadayon gihapon sila sa pagserbisyo sa mga tawo.
Tumong niini nga mapadayon ang serbisyo publiko ug ang prinsipyo nga mapaduol ang gobyerno sa katawhan, ug ang katawhan ngadto sa gobyerno.
Photo courtesy: Cagayan de Oro City Information Office
