Nakahan-ay na ang nagkadaiyang madasigong kalihokan syudad sa Malaybalay alang sa pagsaulog sa Malaybalay City Tourism Week 2026 karong umaabot nga Oktubre. Dala ang temang “Padayon sa Pag-SAKA ta Malaybalay!” ug isip pagsuporta sa nasudnong adbokasiya sa Department of Tourism nga “Discover More to Love the Philippines,” gipahigayon kini aron sa paghatag og dungog sa mga talento, lokal nga produkto, kultura, ug nindot nga atraksyon sa dakbayan.
Ablihan ang pagsaulog pinaagi sa pagpasundayag sa Bulak Art Exhibit ug Concessionaires and Malaybalay Products Display nga moluntad gikan Oktubre 1 hangtod 16 sa City Hall Lobby. Samtang ang Grand Opening sa Oktubre 12, diin pagasundan kini sa Onsite DOT Accreditation (Oktubre 12–16) ug mga pagbansay-bansay sa Customer Service (Oktubre 13–14). Magpahigayon usab og Tourism Awareness Training alang sa mga drayber sa habal-habal sa Oktubre 14 ug sa mga estudyante sa Oktubre 15, kauban ang usa ka kulbahinam nga Malaybalay Trivia Night sa gabii.
Pagataposon ang maong madasigong selebrasyon sa Oktubre 16 pinaagi sa usa ka grandeng Closing Program and Awarding sa Malaybalay City Peoples Hall. Pagatambongan kini sa usa ka Fashion Show ug mga pagpakita sa talagsaong talento sa mga lokal nga molupyo, diin gihangyo ang tanan nga mosalmot ug mopasigarbo sa katahom ug kasingkasing sa Malaybalay
Photo courtesy: Malaybalay City Tourism Office
