Gikalipay ang mga contingent sa Police Regional Office 10 o PRO-10 ang hero’s welcome nga gihatag kanila human sa ilang election duty sa Lanao del Sur alang sa unang BARMM Parliamentary Election.
Matud ni Contingent Commander Lieutenant Colonel Allan Sabanal Abalde, wala nila damha ang mga medalya, pasidungog ug pag-ila nga giandam sa Regional Headquarters alang sa ilang pagbalik.
Gipasalamatan usab sa PRO-10 ang mga personnel tungod kay nahuman ang ilang assignment nga walay na-report nga untoward incident nga nalambigit sa 901-ka contingent nga gipadala sa Lanao del Sur.
Kahinomduman nga gipadala ang mga pulis aron motabang sa seguridad ug pagmintinar sa kalinaw ug kahapsay atol sa unang Parliamentary Election sa BARMM nga natigayon niadtong Setyembre 14, 2026.
Photo courtesy: PNP Police Regional Office 10
