Nadakpan sa Maritime Police ang duha ka suspek human nga ilang gisulayan nga ipalusot ang nagkadaiyang klase sa endangered species ug ubang mga mananap nga gikan pa sa General Santos City padulong unta sa kaulohan sa Luzon dihang naharang sa Philippine Ports Authority o PPA-Surigao City.
Giharang sa mga Maritime Police, Port Police ug PNP Surigao City ang duha ka suspek atol sa ilang pagbiyahe sakay sa sakyanan nga adunay plate number NLK-8407 ug didto nadiskubre ang nagkadaiyang mananap, lakip ang mga pawikan, langgam ug imported nga mga iro nga ilang gidala.
Gawas sa mga mananap, nakarekober usab ang mga awtoridad og armas ug mga bala sa mga suspek atol sa operasyon. Gikustodiya na sa Maritime Police ang nakumpiskang mananap ug ang duha ka suspek alang sa tukmang imbestigasyon ug disposasyon.
