Gipakusog sa Government Service Insurance System (GSIS) ang ilang paghatag og tabang pinaagi sa pagtagana og kapin P8 bilyon nga pondo para sa emergency loan assistance.
Tumong niini nga matabangan ang kapin 317,000 ka mga aktibong miyembro, old-age pensioners, ug disability pensioners sa 16 ka dapit sa Luzon ug Mindanao nga grabeng naapektuhan sa mga ulahing bagyo ug kusog nga Habagat.
Pinaagi sa maong programa, ang mga kwalipikadong miyembro nga walay existing nga loan makapahulam og hangtod P20, 000. Samtang kadtong mga aduna nay outstanding emergency loan balance mahimong makahulam og hangtod P40, 000 aron matabonan ang ilang mga batakang panginahanglan ug makatabang sa pagbangon gikan sa kalamidad.
Photo Courtesy:GSIS
