Moabot sa 21 ka tawo ang namatay human sa car-bomb attack sa usa ka mosque sa amihanan-kasadpang bahin sa Pakistan. Lakip sa mga nakalas ang 15 ka opisyal sa kapulisan ug usa ka upat ka tuig nga bata, samtang sobra sa 100 pa ka mga indibidwal ang naangol sa maong trahedya.
Gawas sa bomba, girakrakan usab sa mga armadong suspetsado ang usa ka pasilidad sa pulisya sa syudad sa Kohat nga sakop sa probinsya sa Khyber Pakhtunkhwa.
Nahitabo ang pag-atake sa pikas nga bahin, samtang nagpahigayon og pag-ampo ang mga tumutuo sa sulod sa mosque. Nimando na ug naghatag pagsiguro si Presidente Asif Ali Zardari sa Pakistan nga makadawat og igong tabang ang tanang mga biktima sa maong krimen.
Sa pagkakaron, wala pa’y nagpahayag nga grupo nga maoy nagpaluyo o responsable sa maong pag-atake.
Photo Courtesy: CNA
