Nagpaandam ang Department of Trade and Industry ukon DTI Sultan Kudarat sa mga nagapangita kag nagapadayon sang negosyo nga ang pagkuha sang DTI Business Name Registration indi pa nagakahulugan nga pwede na sila makapadalagan sang negosyo.
Suno sa DTI XII, ang Business Name Registration nagahatag lamang sang legal identity ukon opisyal nga pagkilala sa ngalan sang negosyo. Para makapag-operate sang legal, kinahanglan man nga makakuha sang Business ukon Mayor’s Permit halin sa nagakaigo nga Local Government Unit ukon LGU.
Ginpahayag sang DTI XII nga nagkalain-lain ang katuyuan sang duha ka dokumento: ang DTI registration para sa legal nga identidad sang ngalan sang negosyo, samtang ang Mayor’s Permit amo ang permiso para maka-operate.
Gani, gina-agda ang mga negosyante nga kompletohon ang tanan nga kinahanglanon nga permit agud masiguro ang legal, hapsay kag responsable nga pagnegosyo.
Photo Courtesy: DTI Sultan Kudarat
