Gipahigayon sa Department of Tourism Region X (DOT X) ang Technical Review sa Don Carlos Tourism Master Plan uban ang pagbisita sa mga pangunang tourism sites sa lungsod sa Don Carlos niadtong nakalabay nga adlaw.
Ang maong kalihokan gipangulohan ni Ms. Ivy S. Guantero (Chief Tourism Operations Officer) ug Mr. Ryan Albert Ignacius B. Sanchez (Tourism Operations Officer) gikan sa DOT Region X, kauban ang Municipal Tourism Office, Municipal Planning and Development Office, ug ang Tourism Consultant.
Tumong sa review nga mapalig-on ug mapanindot ang mga plano ug programa sa turismo aron subay kini sa panginahanglan sa komunidad ug mga tumong sa lungsod.
Nagpadayag og dakong pasalamat ang LGU Don Carlos sa DOT Region X sa ilang paghatag og giya ug pag-atiman sa maong hangyo. Gipasalamatan usab sa LGU sila si Mayor Ma. Victoria Ontanillas-Pizarro, CPA, ug Hon. Jose Miguel Anton O. Pizarro, SB Chairperson on Tourism, tungod sa ilang walay hunong nga suporta sa pagpalambo ug pagpauswag sa turismo sa lungsod.
Photo Courtesy: LGU Don Carlos
