Gipalig-on sa dakbayan sa Valencia ang suporta niini sa grassroots sports pinaagi sa paglunsad sa 1st City Mayor Amie G. Galario Elite Volleyball Program alang sa 15U ug 10U categories niadtong Septiyembre 16, 2026, sa City Gymnasium.
Ubos sa pagpanguna ni Mayor Amie Galario, Vice Mayor Greizl Galario-Fernandez, ug sa 10th Sangguniang Panlungsod, nagtumong ang maong programa nga makahatag og hapsay nga pagbansay ug opurtunidad aron mas mahasa ang abilidad sa mga batan-ong atleta.
Molungtad og pito ka adlaw ang unang batch sa training diin ang mga partisipante makadawat og direktang paggiya gikan sa mga coaches. Mitambong sa opening ceremony sila si Executive Assistant Carl Carskit, Councilor Ryan Jay Rosal, ug Program Director Ken Silverio Ucang, samtang gipangulohan usab ni City Local Youth Development Officer Francis Oliver Awiten ang Oath of Sportsmanship.
Pinaagi niini nga inisyatiba, gilauman nga mas molig-on ang pundasyon sa mga batan-on aron makadala og dungog ug garbo sa Valencia City sa mga umaabot nga kompetisyon.
Photo Courtesy:LGU – Valencia City
