Padayong gipahugtan sa Pangagamhanang Probinsyal sa Bukidnon ang pagdili sa pagpasulod sa mga binuhing baboy ug tanang produkto niini subay sa Provincial Ordinance No. 2021-62R. Ang maong lakang gihimo aron mapanalipdan ang lokal nga industriya sa baboyan ug mapugngan ang pagkaylap sa African Swine Fever (ASF) ug uban pang makatakod nga sakit sa mga hayop sulod sa probinsya.
Gipahinumdom sa lalawigan ang mga gidili ubos sa Section 5 sa ordinansa, lakip ang pagpasulod o pagbaligya sa buhing baboy, semilya, ug karne—luto man, hilaw, o de-lata—nga gikan sa gawas sa Bukidnon.
Gidili usab ang paggamit og peke o giusab nga mga dokumento, ang pagbaligya og karne online nga walay permit gikan sa LGU ug DTI, ug ang pagpasa sa checkpoints sa mga biyaheros ug transport operators nga walay saktong papeles gikan sa Department of Agriculture.
Ang bisan kinsa nga mapamatud-ang nakalapas sa maong ordinansa atubangon ang katugbang nga silot ilalom sa balaod, ug ang tanang gidiling produkto nga masakpan pagakumpiskahon dayon sa mga awtoridad
Photo Courtesy: LGU Bukidnon
