Pormal na nga ginbuksan ang 3rd Philippine Criminology Profession Week sa Notre Dame of Tacurong College Gymnasium sa Tacurong City, Sultan Kudarat sang Nobyembre 3, 2026.
Ang selebrasyon ginapangunahan sang PCAP Region 12, pinaagi sa Sultan Kudarat Chapter, sa pagbuligay sang Criminology Department sang Notre Dame of Tacurong College.
Magapadayon ang nasambit nga programa tubtob Nobyembre 9, 2026, nga may nagkalain-lain nga aktibidad, lakip ang basketball, volleyball, chess, dama.
Tumong sang selebrasyon nga kilalahon ang kontribusyon sang mga criminologist, instructors kag estudyante sa pagmintinar sang kalinong, seguridad sang publiko kag paglikaw sa krimen.
Ginpabug-atan man sa aktibidad ang importansya sang pagbinuligay sang mga criminologist kag komunidad para sa isa ka malinong kag luwas nga komunidad.
