Nakapalit na og labaw sa 66 mil ka electric vehicles o EVs sa Pilipinas karong 2026, base sa Department of Energy o DOE.
Sa kinatibuk-ang 270,124 ka mga sakyanan nga napamaligya karong tuiga, 66,685 niini o 24.68 porsyento ang electric vehicles, sumala ni DOE Energy Utilization Management Bureau Director Patrick Aquino.
Matud ni Aquino, kadaghanan sa mga EV nga napalit sa merkado kay plug-in hybrid vehicles nga mokabat og hapit 30 porsyento, gisundan sa hybrid electric vehicles o HEVs nga anaa sa mga 20 porsyento, samtang ang nahabilin mao ang battery electric vehicles.
Samtang, nakarekord usab ang DOE og 60,906 ka EV registrations niadtong 2025, kapin doble kumpara sa 2024. Nagpakita kini sa padayong pagdako sa paggamit ug pagparehistro sa electric vehicles sa nasud.
Photo Courtesy: PNA
