Nagpahayag og kabalaka ang China ug Russia human gikumpirma sa Estados Unidos nga aduna na kiniy mga armas nga gibutang sa orbit sa kalibotan. Sumala sa US Space Force, adunay on-orbit space control weapons ang ilang pwersa aron mapanalipdan ang military forces batok sa posibleng hostile action, apan wala kini maghatag og detalye kung unsang mga armas ang nalambigit.
Batok niini, gipahimangnoan sa China nga dili himuong battlefield ug dili paaboton ang arms race sa outer space. Ang Russia usab nanawagan nga ang kawanangan magpabiling gawas sa bisan unsang armas ug nagpahayag og suporta sa padayong paningkamot alang sa demilitarization sa space. Matud sa mga analista, ang pag-anunsyo sa US nagpamatuod sa dugay nang gituohang military capabilities sa orbit, apan posibleng makapasamot sa tensyon tali sa dagkong mga gahum.
Photo Courtesy: Global Times
