Kumpirmadong patay ang usa ka tawo samtang 25 pa ang pabilin nga gipangita human nalunod ang usa ka sakayang pandagat nga nagdala og 77 ka mga migrante duol sa isla sa Gavdos sa Greece.
Hinuon, nakatabang ug naluwas sa duha ka barko ang 51 ka pasahero batok sa maong trahedya. Sa pagkakaron, nagpadayon pa ang halapad nga search and rescue operation gamit ang upat ka barko ug usa ka helicopter bisan pa man sa kakusog sa hangin ug kalisod sa pagpangita sa kadagatan.
Gikatakdang dalhon sa Crete ang 51 ka mga naluwas alang sa legal nga proseso, diin temporaryo silang ikostudiya sa dili pa ibalhin sa mga detention camp sa mainland alang sa posibleng deportation.
Ang isla sa Crete ug Gavdos maoy nag-unang agianan sa mga asylum seekers gikan sa Libya. Subay niini, nakatala ang Greece og 31 porsyentong pag-ubos sa mga migrante gikan Setyembre 2025 hangtod Agosto 2026 human temporaryong gipaundang sa gobyerno ang pagdawat og asylum claims gikan sa North Africa.
Photo Courtesy: The Silicon Review
