Napamatud-an sa 4th Infantry Division o 4ID nga maayong naplano ang ilang operasyon batok kang Ka Rheda ug sa iyang grupo nga misangpot sa duha ka oras nga engkwentro sa Barangay Bakingking, Esperanza, Agusan del Sur.
Upat ka giingong miyembro sa NPA ang namatay, tulo ang misurender, samtang duha pa ang giingong nakaikyas ug padayon pang gipangita sa mga otoridad.
Unom ka armas usab ang narekober sa mga sundalo. Matud ni Lieutenant Colonel Patrick Martinez sa 4ID, dako ang natabang sa kooperasyon sa mga residente nga naghatag og impormasyon bahin sa lihok ug nahimutangan sa grupo. Giingon usab niya nga wala na matud pay komunidad nga modawat o motabang sa grupo, nga nakatampo sa kalampusan sa operasyon.
Photo courtesy: 4TH Infantry Division
