Naputol ang winning streak ni kanhi WBC Featherweight Champion Mark “Magnifico” Magsayo human siya pildihon ni Andres Cortes pinaagi sa unanimous decision niadtong Sabado sa gabii sa T-Mobile Arena. Parehas nga 97-93 ang puntos nga gihatag sa tulo ka judges pabor kang Cortes human niya makontrol ang dakong bahin sa ilang 10-round lightweight nga away.
Napugngan ni Cortes ang explosiveness ug paspas nga combinations ni Magsayo pinaagi sa agresibong pakig-away sa duol nga distansya. Imbis nga hatagan og luna ang kanhi world champion, padayon niyang gipaduol ang away ug epektibong gigamit ang iyang right hand gikan sa nagkalain-laing anggulo. Nakabawi gamay si Magsayo sa kataposang tulo ka rounds human maigo og hiwa si Cortes, apan wala na kini pa-igo aron mausab ang resulta.
Tungod sa kapildihan, nahimong 29-3, 19 KOs ang record ni Magsayo, samtang nagpabiling walay pildi si Cortes sa 26-0, 13 KOs. Kabahin ang away sa Zuffa Boxing event ug dakong higayon unta alang kang Magsayo aron mapalig-on ang iyang posisyon sa lightweight division ug mas mapaduol pag-usab sa world title contention.
Photo courtesy: Mark Magnifico Magsayo/ Facebook
