Misalmot ang mga kawani sa Cebu City Hall ug pipila ka mga opisyal sa syudad, atol sa ikatulong nationwide nga earthquake drill.
Mismo si Cebu City Councilor Dave Tumulak, kinsa pangu sa CDRRMO, mao’y nangu sa nahisgutang drill, diin matud niya, tuyo sa maong kalihukan nga makat-on pa ang mga kawani sa mga angayang buhaton kun ugaling aduna’y linog.
Gidugang usab sa konsehal nga bisan pa man og duna na’y nangaging pagpahigayon sa earthquake drill sa city hall, di gihapon malikayan nga dag-on sa kakulba o emosyon ang tawo hinungdan nga kinahanglang musalmot gihapon sa maong aktibidad.
Tumong niini nga mahimong andam usab ang publiko sa mga ingon niini nga kalamidad.
Photo courtesy: Cebu City News
