Gibungkag na sa militar sa Israel ang underground infrastructure sa Hezbollah sa Ali al-Taher ridge sa Lebanon aron mapakusog ang gikaingong security zone sa lugar. Segun nila Prime Minister Benjamin Netanyahu ug Defence Minister Israel Katz, magpabilin ang pwersa sa Israel sa rehiyon aron mapugngan ang subling pagmugna ug pagpakusog sa grupong Hezbollah.
Matud sa militar sa Israel, nakontrol nila ang sobra duha ka kilometrong gitas-on sa mga agianan kung diin nakatago ang mga rocket, missile, drone, ug uban pang kagamitan nga panggubat sa Hezbollah. Nabati ang kusog nga pagbusikad sa rehiyon sa Nabatieh, samtang nagpadayon ang mga operasyon taliwala sa ceasefire deal niadtong Hunyo.
Nagpabilin nga wala nasulbad ang kasabutan gumikan sa pagbalibad sa Hezbollah nga isurender ang ilang mga armas, samtang dili usab mobiya ang Israel hangtod nga ma-disarmed ang maong grupo.
Naghimo usab ang Israel og mga estratehikong posisyon sa Lebanon sukad niadtong 2023 aron magsilbing buffer zone o proteksyon batok sa mga hulga gikan sa Hezbollah.
Photo Courtesy: Le Monde
