Nagpahigayon og talagsaong “protesta” ang mga robot sa gawas sa Digital Affairs Ministry sa Poland niadtong Lunes, aron ipakita ang panawagan alang sa mas hugot nga regulasyon sa Artificial Intelligence o AI.
Sumala sa mga organizer, ang maong simbolikong protesta nagtumong sa pagpahimangno sa posibleng epekto sa paspas nga pag-uswag sa AI ug automation ngadto sa labor market, ilabi na sa mga trabaho nga mahimong maapektuhan o mapulihan sa teknolohiya.
Gipasabot nila nga importante ang paghimo og klaro ug hustong mga polisiya aron masiguro nga ang paggamit sa AI mahimong responsable ug dili makadaot sa kahimtang sa mga mamumuo.
Padayon karon ang diskusyon sa nagkadaiyang nasud kabahin sa balanse tali sa pagpalambo sa teknolohiya ug pagpanalipod sa trabaho ug panginabuhian sa mga tawo.
Photo Courtesy: Futurism
