Giplano sa Department of Agriculture (DA) ang pagpalapad sa produksyon sa palm oil sa Pilipinas aron maminusan ang pagsalig sa imported palm oil. Matud ni Agriculture Secretary Francisco Tiu Laurel Jr., doulan sa 90 porsyento ang panginahanglan sa palm oil sa nasud karon ang gi-import.
Tungod niini, nangayo ang DA og labing menos P300 milyones nga pondo alang sa palm oil development sa 2027, ug posibleng mokabat sa P1 billion sulod sa lima ka tuig. Tumong sa gobyerno nga mapalambo ang hangtod 300,000 ka ektarya nga palm oil plantations, samtang ang mas duol nga target mao ang 100,000 ka ektarya sa umaabot 2028.
Gisuportahan usab ni Tiu Laurel Jr., ang pag-apruba isip urgent sa proposed Palm Oil Bill aron mas mapalig-on ang pagdumala ug pagpalambo sa industriya. Gilauman sa DA nga pinaagi niini, mas molambo ang lokal nga produksiyon, mokunhod ang imports, ug makasuplay og feedstock alang sa mga renewable energy projects.
Photo Courtesy:Farmlandgrab.grab
