Miabot sa 856,291.91 metric tons ang kinatibuk-ang produksyon sa sektor sa pangisdaan sa Pilipinas atol sa unang tulo ka bulan sa 2026, base sa Fisheries Situation Report sa Philippine Statistics Authority o PSA.
Nanguna sa produksyon ang aquaculture nga nakatala og 432,755.09 metric tons o kapin sa katunga, katugbang sa 50.5 porsyento sa kinatibuk-ang produksyon sa nasud.
Misunod ang commercial fisheries nga nakatala og 205,234.50 metric tons o 24 porsyento sa kinatibuk-ang nadakpan nga isda. Samtang ang marine municipal fisheries nakahatag og 168,022.38 metric tons o 19.6 porsyento sa nasudnong produksyon.
Pinakagamay sa upat ka subsector ang inland municipal fisheries nga nakatala og 50,279.95 metric tons o 5.9 porsyento. Sa kinatibuk-an, nagpakita ang datos nga aquaculture ug commercial fisheries ang nag-unang nakatampo sa suplay sa isda ug uban pang kapanguhaang-dagat sa Pilipinas.
Photo Courtesy: da.gov.ph
