Nasikop sa hiniusang operasyon sa kapulisan ang usa ka 25-anyos nga lalaki nga apil sa Regional Top 10 Most Wanted Persons sa Sitio Makikilo, Barangay Rangayen, Alamada, Cotabato.
Mitabang sa operasyon ang Alamada Municipal Police Station, Tupi MPS, Regional Intelligence Unit 12, South Cotabato Police Provincial Intelligence Unit ug South Cotabato Police Mobile Force Company 1st Company. Nailhan ang nadakpan sa alyas “Boss” ug giserbisyohan og warrant of arrest may kalabotan sa kasong Acts of Lasciviousness ubos sa Article 336 sa Revised Penal Code, inubanan sa Section 5(B) sa Republic Act 7610.
Adunay girekomendar nga piyansa nga 180,OOO pesos alang sa temporaryong kagawasan sa suspek. Kabahin niini, gidayeg ni PRO 12 Director PBGEN Alan B. Manibog, ang mga unit nga miapil sa operasyon ug gipunting nga walay lugar ang pagtago gikan sa responsibilidad. Padayon usab ang kapulisan sa pagpangita sa mga wanted person aron maatubang nila ang hustong proseso sa balaod.
Photo Courtesy: Alamada Mps
