Giisa sa Philippine National Police (PNP) ang full alert status sa tibuok Bangsamoro Autonomous Region in Muslim Mindanao (BARMM) sugod Setyembre 11, 2026, isip pagpangandam sa nagkaduol nga makasaysayanong BARMM Parliamentary Elections.
Gipadayag ni PNP Public Information Office chief Police Colonel Allen Rae Co nga molungtad ang maong high-alert status hangtod Setyembre 30. Ubos sa full alert, gimandoan ang 100 porsyento sa tanang kapulisan nga magpabilin sa ilang matag assignment area ug gidili ang pag-file og leave aron masiguro ang kaandam ug seguridad sa tibuok rehiyon.
Moabot sa 10,439 ka mga opisyal sa kapulisan ang kasamtangang nakadeploy sa BARMM. Padayon usab ang ilang intelligence gathering ug hugot nga pagbantay batok sa bisan unsang armadong grupo nga posibleng magdala og gubot o magsamok sa maong piniliay.
Sa pagkakaron, nakatala ang PNP og 27 ka mga dapit nga gipailalom sa red category o gikonsiderang high-risk areas, lakip na ang 21 ka munisipyo sa Lanao del Sur, tulo sa Maguindanao del Sur, ug tag-usa sa Maguindanao del Norte, Basilan, ug Special Geographic Area
Photo Courtesy:Maguindanao del Sur PPO
