Gi-aprobahan sa Senate Energy Committee ang giduso nga mga balaod nga magmando og insurance coverage alang sa mga line worker sa tibuok nasud.
Gipangulohan ni Senador Erwin Tulfo ang komite nga miapruba sa mga sugyot balaodnon nga naglakip sa mandatory life, accident ug disability insurance alang sa mga trabahante sa pribadong distribution utility, electric cooperative ug transmission o grid operator.
Lakip usab sa mga sugyot ang pagdeklara sa unang Lunes sa Agosto isip National Line Workers Appreciation Day, aron ilhon ang kontribusyon sa mga trabahante sa pagmintinar sa suplay sa kuryente.
Matud ni Tulfo, importante ang proteksiyon sa mga line worker tungod sa risgo sa ilang trabaho, ilabina sa pagsaka sa poste ug pag-ayo sa mga linya panahon sa bagyo, baha, linog ug uban pang kalamidad. Gilauman nga maandam sa Senate Energy Committee sa sunod semana ang committee report alang sa sponsorship ug diskusyon sa plenaryo sa Senado
Photo Courtesy: Senate of the Philippines/Wikipedia
