Posibleng makadawat og dugang nga bonus ang mga atleta sa Team Philippines kung molabaw sa upat ka gold medal ang ilang makuha sa umaabot nga Asian Games sa Aichi-Nagoya, Japan.
Sumala sa Philippine Sports Commission, maghatag og insentibo sa delegasyon kung malampasan niini ang upat ka bulawang medalya nga nakuha sa Pilipinas sa 2022 Asian Games sa Hangzhou, China.
Gilauman nga mosalmot sa pagkolekta og medalya ang mga nangunang atleta sama nila Carlos Yulo, Alex Eala, EJ Obiena, ug Elreen Ando, lakip ang mga national boxers ug swimmers.
Gipahibalo usab nga tagaan og 6,000 pesos nga allowance ang mga miyembro sa Team Philippines, lakip ang delegasyon alang sa Asian Para Games. Sa 2022, nakakuha ang Pilipinas og upat ka gold medals sa Asian Games ug napulo ka gold sa Asian Para Games. Samtang, sila Aira Villegas ug Albert Ian Delos Santos ang napiling flag bearers sa Team Philippines alang sa opening ceremony sa bulan sa Septiyembre pitsa 19
Photo Courtesy: Philippine Sports Commission FB
