Dakpan sa mga otoridad ang usa ka lalaki atol sa gipahigayon nga operasyon didto sa Purok San Francisco, Barangay San Antonio, Caraga, Davao Oriental pasado alas 12:40 sa udto niadtong Setyembre 10, 2026.
Sumala sa report sa Caraga Municipal Police Station, nakadawat sila ug tawag gikan sa usa ka residente sa maong lugar mahitungod sa nahitabong ilegal nga sabong. Tungod niini daling miresponde ang mga kapulisan kauban ang mga Intel operative ug ni Barangay Kagawad Kerwin Benaning aron nga maverify.
Sa pag-abot sa lugar, daling mikalagiw ang mga tawo ug way swerte usa ka indibidwal nga nailhan sa alyas nga “Dodong” ang nasikop kinsa naghupot og usa ka buhi nga manok nga panabong nga adunay pula ug itom nga mga marka.
Human sa pagdakop gipahibalo ang akusado sa iyang mga katungod ubos sa Miranda Doctrine ug dayong gidala sa Caraga Municipal Police Station alang sa tukmang dokumentasyon ug pasakahan ug kasong paglapas sa Presidential Decree No. 449 (Cockfighting Law of 1974).
Photo Courtesy: Caraga MPS
