Patay ang usa ka 37-anyos nga driver samtang nasamdan ang duha ka menor de edad nga back riders human maaksidente ang ilang motorsiklo nga gisakyan pasado alas-1:55 sa hapon, Septyembre 9, 2026, sa Purok Kamanting, Barangay Molansong, San Pablo, Zamboanga del Sur.
Base sa inisyal nga imbestigasyon, ang tulo ka biktima nagsakay sa usa ka itom nga Bajaj 125 nga motorsiklo nga walay plaka ug nagbiyahe gikan sa Barangay Mabuhay, San Pablo padulong sa Barangay Canunan, Guipos.
Apan, pag-abot nila sa usa ka kurbadahon ug bahadahon nga dalan gikatahong kusog ang dagan sa driver hinungdan nga nawad-an kini og kontrol sa motorsiklo ug nitipas sa karsada ug mibangga sa poste nga anaa sa daplin sa dalan.
Gumikan sa kakusog nga impact, nasamdan ang duha ka back riders ug gidala dayon sa San Pablo Rural Health Unit sa mga responding personnel sa San Pablo MDRRMO alang sa medikal nga pag-atiman, diin gideklara ra usab nga dead on arrival sa attending physician ang driver.
Human sa hitabo, ang motorsiklo gidala sa San Pablo Municipal Police Station alang sa safekeeping.
Photo Courtesy: ZSPPO-PIO
