Defensive strategy ang gigamit sa BFP sa nasunog nga usa ka establisementong naila sa YoYo lungsod sa Montevista, Davao de Oro niadtong nakalabay nga adlaw. Matud ni Acting Municipal Fire Marshal ng Montevista Fire Station Jerick G. Riquelman nga nakahatag kini ug kalisod sa mga bombero tungod sa mga materyales sulod niini sama sa plasticware, butane gas, kalan ug mga appliances.
Nangayo og reinforcement ang Montevista Fire Station gikan sa Monkayo, Nabunturan, ug Compostela aron matabangan ang pagpalong ug pagkontrol sa sunog.
Gipatuman sa mga bombero sa overhauling operation. Gigamit usab ang defensive strategy aron mapugngan ang pagkaylap sa kalayo ngadto sa ubang building.
Samtang gibutyag ni 𝐏𝐃𝐑𝐑𝐌𝐎 𝐀𝐒𝐒𝐈𝐒𝐓 𝐇𝐄𝐀𝐃 – 𝐑𝐈𝐓𝐂𝐇𝐄 𝐉𝐄𝐑𝐌𝐈𝐀 nga nag-deploy usab ang Provincial Disaster Risk Reduction and Management Office og water tanker nga magsuplay og tubig sa mga fire engine aron mapadayon ang pagpalong sa maong sunog.
Gipahinumdoman sa Bureau of Fire Protection ang publiko nga bantayan ang mga butang nga daling masunog ug regular nga susihon ang mga electrical wiring ug appliances, ilabina sa init nga panahon, aron malikayan ang sunog.
