Posible nang maresolbar karong tuiga ang mga unang kasong adunay kalabutan sa flood control scandal nga kasamtangang gidungog sa Sandiganbayan.
Atol sa gipahigayong Senate Finance Committee deliberation alang sa girekomendang budget sa judiciary sa tuig 2027, gipadayag ni Sandiganbayan Presiding Justice Geraldine Faith Econg nga posibleng magpagawas na og desisyon ang korte kalabot sa pagpahamtang og silot (conviction) o pagpawalay-sala (acquittal) sa mga gipasakang akusado.
Sumala ni Justice Econg, ang pinakaunang kaso nga gipasaka sa Office of the Ombudsman niadtong Nobyembre 18, 2025 paspas nga miuswag ug kasamtangan nang anaa sa defense stage sa wala pa man mag-usa ka tuig. Gipasabot usab sa opisyal nga kung sundon ang probisyon sa Speedy Trial Act, adunay dakong posibilidad nga madesisyonan na kini sa wala pa mahuman ang tuig, diin lakip sa mga high-profile nga indibidwal nga naaresto ug gipreso karon tungod sa maong kontrobersiya mao sila kanhi House Speaker Martin Romualdez ug Senator Jinggoy Estrada
Photo Courtesy:Sandiganbayan
