Gipalabang sa ikaduhang pagbasa sa Sangguniang Panlungsod sa Malaybalay ang gisugyot nga ordinansa nga mabutang isip Job Order (JO) status ang mga kwalipikadong Purok Chairmen sa siyudad.
Ang maong lakang giduso ni City Councilor Brian Nelson Flores aron hatagan og pormal nga pag-ila ug husto nga bayad ang mga lider sa komunidad nga dugay nang nagsilbing tulay sa mga serbisyo sa gobyerno diha sa mga barangay
Ilawom sa maong ordinansa, ang Local Chief Executive nga si Mayor Atty. Jay Warren R. Pabillaran maoy adunay awtoridad nga mag-appoint sa mga mamahimong JO nga Purok Chairman. Apan kini kinahanglan nga moagi una sa pormal nga endorsement sa tagsa-tagsa nila ka Barangay Kapitan aron masiguro nga husto ug kwalipikado ang matudlo nga magsilbi sa matag purok.
Gipailawom sa subsob ug makuting deliberasyon sa konseho ang probisyon sa maong balaodnon, ug pagkahman sa pipila ka pag-amendar ug pagplantsa sa mga probisyon, giuyonan sa konseho ang ordinansa ug gilaoman hingpit mapasar sa ikatulong pagbasa sa regular session sunod semana
Photo Courtesy: SP – Malaybalay City/Sehal Brian Flores
