Magpahigayon og libreng Sangguniang Kabataan (SK) Leadership Readiness and Responsibility Seminar ang Valencia City Youth Development Office (VCYDO) sa pakig-alayon sa COMELEC, Department of the Interior and Local Government (DILG), ug National Youth Commission (NYC). Pagahimoon kini karong Setyembre 17, 2026, sa alas-1:00 sa hapon didto sa Robinsons Movieworld, Robinsons Valencia.
Limitado lamang sa 200 ka partisipante ang maong inisyatibo sa tumong mahatagan og tin-aw nga kaalam ang kabatan-onan bahin sa tinuod nga pamaagi ug papel sa pagserbisyo sa Sangguniang Kabataan (SK). Lakip sa mga importanteng hisgotanan sa maong tigum mao ang mga kwalipikasyon sa pagdagan, mga pre-election ug post-election compliance, mga legal nga obligasyon, ug ang nagkadaiyang hagit sa pagka-lider aron masabtan sa mga aplikante ang ilang responsibilidad sa dili pa sila pormal nga mosulod sa pulitika sa kabatan-onan.
Kini nga programa gihimo aron masiguro nga andam, prayoridad ang kaayohan sa komunidad, ug adunay saktong pundasyon sa kaalam ang mga sumusunod nga lider sa Valencia City. Bisan unsa pa man ang sangputanan sa umaabot nga piniliay—madayon man kini o dili—gitan-aw kini nga usa ka dakong oportunidad alang sa bisan kinsang batan-on nga gustong makakat-on ug makatampo sa kalambuan sa ilang katilingban
Photo Courtesy: Valencia City Youth Development Office
