Napili isip mga flag bearer sa Pilipinas alang sa 20th Asian Games sa Aichi-Nagoya, Japan sila Olympic boxing bronze medalist Aira Villegas ug weightlifter Albert Ian Delos Santos. Gianunsiyo ni Philippine Olympic Committee President Abraham “Bambol” Tolentino ang pagkapili sa duha isip flag bearer atol sa send-off ceremony nga gihimo sa Rizal Memorial Coliseum kagahapon
Kahinumdumang nakadaog si Villegas og bronze medal sa 2024 Paris Olympics ug silver medal sa 2025 Southeast Asian Games. Samtang, nakuha sab ni Delos Santos ang gold medal sa IWF Junior World Championships ug Asian Junior Championships, ingonman silver medal sa SEA Games.
Matud ni Tolentino, adunay mga atleta nga adunay mga kompetisyon sa pagsugod sa Asian Games busa dili sila gusto nga kapuyon. Mao nga gipili nila si Villegas ug Delos Santos tungod kay wala silay dula sa opening ceremony
Photo Courtesy: OneSportsPH
