Mas gipalig-on ang panaghiusa sa mga residente sa Sitio Kauswagan, Little Baguio, San Fernando, Bukidnon, human gipahigayon ang barangay orientation sa Juander Radyo Malaybalay Team kabahin sa Juander Radyo Loyalista Incorporated pasado alas 10 sa buntag niadtong Sabado, Setyembre 5, 2026.
Tumong sa maong kalihokan ang paghatag og mas lawom nga kahibalo sa komunidad bahin sa mga polisiya ug programa sa organisasyon, aron mapalig-on pa ang ilang serbisyo ug mas daghang katawhan ang matabangan.
Mitambong sa orientation si Cluster Head Mary Jane Estrada, uban nila Coordinator Isabelle Margate ug Merlie Barecuatro kauban usab si Sitio Leader Renato Arcayan ug mga sitio Kagawad.
Human sa orientation, miboluntaryo si Roselyn Pilones isip bag-ong coordinator sa maong lugar, samtang ang mga residente mipadayag nga moapil isip mga miyembro sa atong grupo sa pagtinabangay.
