Mas gipalig-on ang organisasyon ug partisipasyon sa komunidad sa Purok 3, Barangay 7, Malaybalay City, Bukidnon, human gipahigayon ang barangay orientation sa Juander Radyo Malaybalay Team ubos sa Juander Radyo Loyalista Incorporated, pasado alas-9 sa buntag niadtong adlawng Sabado, Setyembre 12, 2026.
Tumong sa kalihokan ang pagpalawom sa pagsabot sa mga residente bahin sa mga polisiya, programa ug serbisyo sa organisasyon, aron mas mapalig-on ang koordinasyon sa komunidad ug mas daghang katawhan ang maabot ug matabangan.
Mitambong sa orientation si Cluster Head Romulo Jamisola uban sa 12 ka coordinator. Human sa kalihokan, napili si Juniel Sumaria isip bag-ong coordinator sa maong lugar, samtang ang mga residente miduyog isip mga miyembro sa Juander Radyo Loyalista Incorporated
