Nagtala og positibong pagtubo sa ilang ekonomiya ang tanang lima ka lalawigan ug duha ka highly urbanized cities sa Amihanang Mindanao alang sa tuig 2025.
Subay sa 2025 Provincial Product Accounts nga gipagawas sa Regional Dissemination Forum, miabot sa 4.9-percent ang natala nga pag-uswag sa ekonomiya sa tibuok rehiyon.
Nanguna niini ang Cagayan de Oro City nga nakatala og 7.4-percent nga pagtubo—ang ika-walo nga labing taas sa tibuok nasod. Gisundan kini sa Misamis Oriental nga adunay 5.8-percent ug Iligan City nga adunay 4.7-percent.
Matud ni DEPDev-X Regional Director Mylah Faye Aurora Cariño, ang kalamboan kinahanglang moresulta sa mas maayong panginabuhian, dugang trabaho, ug pagkunhod sa kabus nga kahimtang sa mga katawhan sa rehiyon.
Photo courtesy: PSA Region X Northern Mindanao
