Gisiguro sa Zamboanga del Sur Police Provincial Office (ZSPPO) nga magpatuman ug simulation exercise sa tanang pampublikong eskwelahan sa probinsya sa Zamboanga del Sur. Kini subay sa gibutyag ni PCOL. Bonifacio Aranas Jr., Provincial Director sa Zamboanga del Sur Police Provincial Office atol sa eksklusibo nga pakighinabi sa Juander Radyo News Team.
Segun ni Pcol Aranas, tumong niini nga maandam ang mga estudyante, magtutudlo ug school personnel sa hustong pagtubag kung adunay mga insidente nga mahimong mahitabo sulod sa eskwelahan. Sumala sa kapulisan, importante ang maong simulation aron masulayan ang kaandam ug koordinasyon tali sa mga eskwelahan, kapulisan ug ubang concerned agencies.
Gilauman usab nga pinaagi sa simulation exercise, mas mahibal-an sa mga estudyante ug mga kawani sa eskwelahan ang angay buhaton kung atubangon ang usa ka aktuwal nga emergency situation. Samtang nipasalig ang ZSPPO sa padayong pakigtambayayong sa Department of Education ug mga local government unit aron mapalig-on ang school safety ug seguridad sa tanang pampublikong eskwelahan sa probinsya.
