Gipasalig ni Pangulong Ferdinand Marcos Jr. ang lig-on nga suporta sa gobyerno alang sa mga langyaw nga mamumuhunan nga interesado sa pagpamuhunan sa Pilipinas. Sa Luzon Economic Corridor Investment Forum sa Taguig City, giawhag sa presidente ang mga foreign investors nga dad-on sa nasod ang ilang kapital ug kahibalo aron makatampo sa pagpalambo sa ekonomiya.
Gipasiugda ni Marcos nga andam ang Pilipinas alang sa dugayng panag-uban sa mga negosyo ug maghatag og maayong palibot diin luwas ug masaligan ang ilang pagpamuhunan. Dili lamang merkado ang Pilipinas alang sa mga investors, sumala sa presidente, kondili usa usab ka kasaligan nga partner sa pagpalambo ug pagpadako sa ilang negosyo.
Gilauman sa administrasyon nga ang pagsulod sa dugang nga pamuhunan mag-abli og mas daghang trabaho ug bag-ong oportunidad alang sa mga Pilipino.
Photo Courtesy: PNA
