Padayong gipahugtan sa Compostela Municipal Police Station ang kampanya batok sa tanang matang sa illegal nga kalihukan pinaagi sa Simultaneous Anti-Criminality Law Enforcement Operation o SACLEO, aron mapadayon ang kalinaw ug seguridad sa lungsod.
Sa pakighinabi sa Juander Radyo Nabunturan News Team kang PLTCOL Jun Vic N. Nasayaw, hepe sa Compostela MPS, iyang gibutyag ang pipila sa ilang mga accomplishment sa milabay nga mga bulan.
Matod niya, usa ka shooting incident ang natala sa Compostela niadtong Agosto, samtang lakip usab sa ilang mga kalampusan ang mga nahimong operasyon ubos sa SACLEO.
Tungod sa hugot nga pagpatuman sa balaod, nasikop sa kapulisan ang mga indibidwal nga nalambigit sa ilegal nga mga aktibidad, lakip na ang kalihokan kalabot sa illegal nga droga.
Gipahimangnoan sa Compostela Police ang publiko nga likayan ang paggamit sa illegal nga droga ug ang bisan unsang kriminal nga kalihukan aron mapadayon ang kalinaw, kahapsay ug kaluwasan sa lungsod sa Compostela, Davao de Oro.
