Posibleng mosaka pag-usab ang presyo sa mga produktong petrolyo sa sunod semana, base sa pinakabag-ong lihok sa presyo sa lana sa pandaigdigang merkado.
Sa inisyal nga projection, gibanabana nga mahimong mosaka og P2.45 kada litro ang diesel, samtang P3.95 kada litro ang gasolina ug P2.40 kada litro ang kerosene.
Apan mahimo pa kining mausab tungod kay nagdepende ang final nga adjustment sa sunod pang mga trading sa world market. Kung magpabilin ang maong projection hangtod sa kataposang adlaw sa trading, posible nga mobug-at na usab ang gasto sa mga motorista ug mga konsumante nga nagsalig sa produktong petrolyo.
Ang aktuwal nga oil price adjustment alang sa sunod semana ipahibalo pa sa mga kompanya sa lana human makompleto ang trading ug kalkulasyon sa presyo.
Photo Courtesy: Philippine News Agency
