Nakumpleto na sa Gilas Pilipinas ang mga magdudula nga mosalmot sa 20th Asian Games sa Aichi-Nagoya, Japan. Matud ni Gilas coach Tim Cone, ilang gipili si Calvin Oftana aron modula alang sa nasod.
Si Oftana ang mipuli sa puwestong gitagana unta kang Justin Brownlee, nga padayon pa sa pagpaayo gikan sa iyang injury. Nakig-ensayo na usab si Oftana uban sa Gilas Pilipinas isip pagpangandam alang sa maong torneyo.
Sumala kang Cone, pamilyar na si Oftana sa sistema sa pagdula sa Gilas tungod kay nakauban na kini sa ubang mga duwa sa national team. Siya usab ang bugtong miyembro sa Gilas nga nakadaog og gintong medalya sa 2023 Asian Games nga gihimo sa Hangzhou, China.
Lakip sa mga magdudula sa Gilas Pilipinas mao sila Don Trollano, RJ Abarrientos, Justine Baltazar, Justin Arana, Jerrick Ahanmisi, Robert Bolick, Sedrick Barefield, Brandon Bates, Brandon Ganuelas-Rosser, Zavier Lucero ug Adrian Nocum. Unang atubangon sa Gilas Pilipinas ang Bahrain sa Setyembre 11.
