Gipahibalo sa Malacañang Palace ang napulo ka bag-ong National Artists sa Pilipinas pinaagi sa Proclamation No. 1413 nga gipetsahan og Septiyembre 1 ug gipirmahan ni Presidente Ferdinand Marcos.
Lakip sa mga bag-ong pasidunggan sila Nonoy Froilan sa Sayaw, Gabby Formoso sa Arkitektura, Patis Tesoro sa Fashion, ug Armando “Bing” Lao sa Pelikula ug Broadcast Arts.
Giapil usab sa listahan sila Gregorio Brillantes ug Nicanor Tiongson sa Literatura, Fred Buenaventura sa Musika, ug Teddy Hilado sa Teatro. Samtang, gihatagan usab og National Artist recognition sila Imelda Cajipe Endaya ug Nunelucio Alvarado sa Visual Arts.
Ang Order of the National Artist mao ang kinatas-ang nasudnong pasidungog alang sa mga Pilipinong adunay talagsaong kontribusyon sa arts ug literature.
Photo Courtesy: PCO
