Gipahibalo sa Iran nga gi-atake niini ang kapin sa usa ka dosena nga mga barko nga misulay sa pag-agi sa Strait of Hormuz niadtong Miyerkules, Setyembre 09, 2026. Dugang pa niini, ilang gipalapdan ang “no-go zone” sa gawas sa maong estratehikong agianan nga dugay nang naapektuhan sa tensiyon tali sa Iran ug Estados Unidos.
Sumala pa sa Revolutionary Guards sa Iran, ilang gi-atake ang duha ka barko sa Estados Unidos, walo ka oil tanker, ug 10 ka mga barko nga giingong wala misunod sa mando samtang misulay sa pag-agi sa maong kritikal nga ruta. Samtang giingon usab sa United Kingdom Maritime Trade Operations kun UKMTO, pipila ka mga barko sa Gulf of Oman ug sa Gulf ang nahimong target sa pagpamusil nga nakapahunong sa ilang operasyon.
Ang bag-ong mga pag-atake ug panagsangka tali sa duha ka nasod nakapadugang sa kabalaka sa merkado sa enerhiya, hinungdan nga misaka pag-usab ang presyo sa lana ngadto sa kapin 100 dolyar matag baril.
Kalabot niini, nagpasidaan ang Iranian Guards nga ang bisan unsang barko nga mosulod sa maong lugar nga walay koordinasyon mahimong ipailalom sa ilang mga silot.
Photo Courtesy: Observer Research Foundation Middle East
