Nakaangkon ug samad bun-og sa lawas ang 12 ka mga indibidwal nga sakay sa Hyundai Bongo human sila madisgsrasya pasado alas 11:41 sa buntag niadtong Septyembre 9, 2026 didto sa Santiago National Highway, Sitio Molave, Barangay Santiago, Caraga, Davao Oriental.
Sumala sa report sa Caraga Municipal Police Station, ang sakyanan gimaneho ni alyas Sonny ug residente sa Purok Sampaguita, Bato-Bato, San Isidro. Samtang giila ang mga sakay niini nga sila alyas Febbrio, Stephanie, Precious, Nilshelyn, Weyne, Princess, Chloe, Jay Ann, Samantha, Divine, Fritz ug Libeth.
Base sa imbestigasyon sa kapulisan, nasayran nga ang sakyanan gikan sa Barangay Maputi, San Isidro ug paingon unta sa Baganga, apan pag abot sa lugar sa nahitaboan giingong nawad-an ug brake ang sakyanan hinungdan nga nawad-an og kontrol ang drayber nga miresulta sa ilang pagkadisgrasya.
Dali usab nga miresponde ang mga personahe sa MDRRMO ug daling gidala ang mga biktima sa Caraga Health Office alang sa medikal nga pagtambal.
Sa pagkakaron nagpadayon pa ang dugang imbestigasyon sa kapulisan aron matino ang tukma nga mga panghitabo ug ang hinungdan sa aksidente.
Photo Courtesy: Caraga MPS
