Pipila ka mga flights sa United Kingdom ang nakansela samtang pipila usab ang nalangan tungod sa problema sa flight processing system sa air traffic control. Naapektuhan ang operasyon sa mga airport sama sa Heathrow, Leeds Bradford, East Midlands, Glasgow, Birmingham ug Manchester.
Sumala sa NATS, ang traffic control provider sa UK, problema sa ilang flight processing system ang hinungdan sa aberya. Naapektuhan usab ang pipila ka mga airport sa Scotland ug Ireland, hinungdan nga daghang pasahero ang nalangan sa ilang pagbiyahe.
Apan pipila ka oras human sa insidente, naayo na sa NATS ang problema ug gilauman nga mobalik sa normal ang operasyon sa mga flights sa mga naapektuhang airport.
Photo Courtesy: Al jazeera
