Posibleng makakuha si Filipina tennis star Alex Eala og qualification slot alang sa 2028 Los Angeles Olympics sa umaabot nga Asian Games sa Japan karong Oktubre. Sumala sa International Tennis Federation (ITF), apil ang Asian Games sa qualification pathway alang sa 2028 Olympics.
Kung makakuha si Eala sa gold medal, mahimo siyang unang tennis player nga makakuha og Olympic qualification slot pinaagi sa regional games. Apan bisan dili siya makadaog og gold sa Asian Games, aduna gihapon siyay higayon nga makasulod sa Olympics pinaagi sa regular world ranking pathway.
Sa pagkakaron, anaa si Eala sa world No. 18 sa women’s singles, nga sulod sa qualification threshold. Apan kinahanglan niyang mapadayon ang iyang ranking sulod sa cutoff hangtod sa panahon sa Olympic qualification sa 2028. Sa Olympics, 64 ka atleta matag gender ang mahimong moapil sa singles event, diin 56 ka slots ang ihatag base sa singles rankings.
Photo Courtesy: Spin.ph
