Kapin sa 600 ka dugang personnel sa Philippine National Police Regional Office 12 ang gipakatap aron suportahan ang seguridad alang sa parliamentary elections sa Bangsamoro Autonomous Region in Muslim Mindanao (BARMM0 karong September 14.
Sumala ni Comelec Chairperson George Garcia, aduna usab 200 ka personnel sa PRO-12 nga naka-standby aron mahimong special electoral boards kung gikinahanglan. Sa kinatibuk-an, giingon sa Comelec nga mokabat sa 9,000 ka police personnel ang andam nga mopuli sa mga magtutudlo kung dili sila makaserbisyo isip election workers.
Samtang, nadawat na sa mga municipal treasurer sa BARMM ang mga election materials lakip ang mga balota, automated counting machines (ACMs), ug baterya. Gidasig usab ni Garcia ang publiko nga bantayan ang final testing ug sealing sa mga ACM sa September 12 aron masiguro nga husto ang pagdawat ug pag-ihap sa mga balota.
Gilauman nga magsugod ang transmission sa election results tali sa alas 8:30 ug alas 9 sa gabii sa September 14, bisan pa og posible ang gamay nga paglangan.
Photo Courtesy: Philippine News Agency
